На маладзёжны форум – у Мінск
25 верасня у Мінскім футбольным манежы пройдзе маладзёжны форум «Зрабі свой выбар», прымеркаваны да 90-годдзя камсамола і ўсяго маладзёжнага руху Беларусі. Плануецца, што мерапрыемства прыцягне вялікую колькасць прыхільнікаў, бо прадставіць мноства разнастайных праектаў: шоў-выставу аўтабайкаў, багатырскія забавы, майстар-клас ролераў, фота-кастынг, дыскатэку з барацьбой дзіджэяў і іншае.
На форуме ў якасці гасцей будуць прысутнічаць прадстаўнікі з усіх рэгіёнаў краіны. Уласнымі вачыма ўбачыць усе «дзівосы» мерапрыемства змогуць і дэлегаты ад Клеччыны: Уладзімір Уладзіміравіч Палівода, як ветэран камсамольскага руху, Наталля Міхайлаўна Зайкоўская, сакратар пярвічнай арганізацыі раённага вузла паштовай сувязі, Таццяна Казіміраўна Мінец, сакратар пярвічнай арганізацыі КСУП «Племзавод «Чырвоная зорка».
Святлана Орпель.
