У Капылі прайшоў Дзень беларускага пісьменства
Капыль сустрэў гасцей 28-га Дня беларускага пісьменства. Сёння ўсіх чакае насычаная святочная праграма.
Раніцай з удзелам губернатара Мінскай вобласці Аляксандра Турчына адбылася цырымонія адкрыцця алеі пісьменнікаў Капыльскага раёна.
На вуліцы Жылуновіча ў райцэнтры ўстанавілі помнік паэту, перакладчыку, вучонаму, палітычнаму дзеячу Цішку Гартнаму.
Губернатар Мінскай вобласці Аляксандр Турчын і міністр інфармацыі Беларусі Уладзімір Перцаў на адкрыцці алеі пісьменнікаў і помнік Цішку Гартнаму ў Капылі.
"Хацелася б, каб тое, што мы зрабілі ў Капылі да Дня беларускага пісьменства, было адпраўной кропкай для развіцця яго турыстычнага патэнцыяла. У гэтых краях нарадзіліся знакамітыя пісьменнікі - Цішка Гартны, Кузьма Чорны, Анатоль Астрэйка, Адам Русак, Алесь Адамович. Месца прасякнута творчасцю і культурай, - сказаў Аляксандр Турчын.
Выставы беларускіх майстроў народнай творчасці ў Капылі "Рамесніцкі гасцінец". Удзельнічаюць і прадстаўнікі Клеччыны.
У горадзе ў гэтыя хвіліны праходзіць фестываль кнігі і прэсы: працуюць тэматычныя экспазіцыі і інтэрактыўныя пляцоўкі ў павільёнах.
Можна ўбачыць выставы гістарычнай кнігі "Памяць" і кніг пра традыцыі і звычаі Беларусі "Традыцыі і сучаснасць". Дзяцей і падлеткаў запрасіла выстава "Разам з кнігай мы расцём", на якой пройдуць сустрэчы з аўтарамі, майстар-класы і гульні. Чакаюцца паэтычныя сустрэчы і прэзентацыі абласных аддзяленняў Саюза пісьменнікаў Беларусі, аўтограф-сесіі.
Цырымонія спецыяльнага гашэння памятнага канверта
з арыгінальнай маркай, прысвечанай XXVІІІ Дню беларускага пісьменства. Фото - kopyl.by.
XXVIII Міжнародная навукова-асветніцкая экспедыцыя «Дарога да Святыняў» з Благадатным Агнём ад Гроба Гасподняга сёння прыбыла ў Капыльскі раён. Фота - kopyl.by.
Падчас выставы "Разам з кнігай мы расцём".
Вялікім падарункам стане дэманстрацыя абраду "Цары", уключанага ў Спіс нематэрыяльнай культурнай спадчыны ЮНЭСКА, а таксама магчымасць для моладзі прыняць удзел у аўтэнтычным вясельным абрадзе.
У Дзень беларускага пісьменства праходзіць абласны фестываль “Капыльскія пацехі”, які сабраў артыстаў гульні і гумару Міншчыны і іншых рэгіёнаў краіны. Фота - kopyl.by.
Капылян і гасцей частуюць беларускімі стравамі з Радзівілаўскай кухні.
На працягу дня ўдзельнікаў чакаюць арганізатары квэст-гульні "Капыльскі рог".
Тэматычная пляцоўка "Паштовы павільён". Запланаваны праект ў фармаце пасткросінгу "Паштоўка.БЕЛ" (гасцям і ўдзельнікам свята будзе прапанавана запоўніць тэматычныя паштоўкі да Дня пісьменства і перадаць іх работніку паштовай сувязі для далейшай адпраўкі праз аддзяленне РУП "Белпошта". Фота - kopyl.by.
У "Літаратурным кафэ" праходзіць літаратурны батл, а таксама вызначаюць пераможцаў конкурсу эпіграм, бурымэ і літаратурных віктарын. На пляцоўцы "Літаратурны зэдлік" кожны жадаючы можа прачытаць верш ці ўрывак з прозы. На сцэнічнай пляцоўцы "Роднае слова, родныя песні" - выступленні аматарскіх калектываў мастацкай творчасці и майстар-класы па побытавых танцах.
ART-квартал ”Ад прадзедаў спакон вякоў нам засталася спадчына прыцягвае аматараў спектакляў лялечных тэатраў "Батлейка". А праект "З гульнёй праз стагоддзі" дазваляе перанесціся ў мінулае і паўдзельнічаць у беларускіх народных гульнях.
Прыцягвае ўвагу тэматычная пляцоўка, прысвечаная 80-годдзю пачатку Вялікай Айчыннай вайны.
Дзіцячай аўдыторыі прапануюць квэст-гульні, інтэрактыўныя экспазіцыі літаратуры.
У спартыўнай праграме - спаборніцтвы па міні-футболу, кулявой стральбе і дартсу, турнір па стрыт-болу, фестываль маладзёжных каманд па варкаўту, паказальныя выступленні спартсменаў-навучэнцаў Капыльскай СДЮШАР.
Урачыстае адкрыццё Дня беларускага пісьменства правялі на галоўнай сцэне свята на плошчы Леніна.
Намеснік прэм'ер-міністра Рэспублікі Беларусь Ігар Петрышэнка перадаў віншаванні з Днём беларускай пісьменнасці ад Прэзідэнта. Свае словы ўдзельнікам свята адрасала Наталля Качанава: "Міру на нашай зямлі і еднасці народу".
На сувязь з Капылём з арбіты выйшаў беларускі касманаўт Алег Навіцкі. Ён пажадаў, каб наша мова была жывой заўжды.
Губернатар Аляксандр Турчын пажадаў, каб "словы "Капыль вітае", што напісаны на ўездзе ў горад, сталі брэндам".
Патрыяршы Экзарх усяе Беларусі Веніамін падкрэсліў, што "святло кнігі злучыла людзей і дазволіла стаць нашаму народу адной з самых адукаваных нацый".
Фото - sb.by.
Урывак свята "Багач" у выкананні актораў Купалаўскага тэатру.
Міністр інфармацыі Уладзімір Перцаў і старшыня Саюза пісьменнікаў Мікалай Чаргінец праводзяць цырымонію ўзнагароджання пераможцаў Нацыянальнай літаратурнай прэміі.
Уладальнікі Нацыянальнай літаратурнай прэміі - Кацярына Стройлава, Валянціна Паліканіна, Аляксандр Радзькоў, Аляксандр Карлюкевіч, Віктар Праўдзін, Віктар Шніп.
Стала вядома, што Дзень беларусскага пісьменства-2022 пройдзе на Гомельшчыне - у Добрушы.
ДНП.
Фота Святланы Орпель.
